 | |||
| خالد علي وحمدين صباحي وجها لوجه في احتفالية 6 أبريل
مع إني مش يساري، مع
إني مش ناصري، لأني معشتش في عصر عبد الناصر، ومش باحب عبد الناصرقد كده،
مع إني ليبرالي، فمش حانتخب "البسطويسي"، إذا كان هو ليبرالي واترشح عن حزب
التجمع اليساري، أبو الفتوح على راسي، ومش فارق معايا تاريخه مع الجماعة
الإسلامية، وإن أصله إخوان، ومسألة البيعة، مش فارق معايا إن السلفيين
أعلنوا تأييدهم ليه، لكن حاسس إنه بيلف ويدور، مع إن دي حاجة طبيعية في أي
سياسي، لكن حاجة داخلية بتمنعني، أو منعتني في الفترة الأخيرة.
أنا مقتنع إن التطور الطبيعي للثورات والانتفاضات والانقلابات والتغييرات
الجذرية في الدول ينتج عنه صعود اليسار، طبعا إحنا دولة غير كل الدول، ونص
الناس ماشية ورا أدعياء الدين، وورا الفلول بحجة إنهم رجالة دولة، بس ده لا
يزحزح إيماني بأهمية اليسار.
لو إيماني بالثورة لسه موجود يبقى مفيش غير خالد علي، ولو قل شوية يبقى قدامي الأخوين "حمدين".
|
Tuesday, May 15, 2012
خالد أو حمدين
Subscribe to:
Post Comments (Atom)
No comments:
Post a Comment